قطــــــــــر...
شعر: علي ميرزا محمود
1975 م

قطــر ..

قطـــر.. حبج بدا بقلبي
نغم مكتوبه الحانه
قطر شمع ابظلام ابحور
سلامٍ ما يخفى نيشانه


قطر جنه ... واهلها حور
وكل رمله لنا دانه
احبج يا قطر .. وابغيج
ربيعٍ دايم لدنيانه
ربيعٍ يكسي العمر .. والحب عنوانه
قطر حصباه .. ودان ابحور
رخص كل غالي في شانه
***
نعم حبيت وماداري
هواج يا جنتي وناري


وطرزتج عشق عذري
قصيد ابدفتر اشعاري
هويت اترابج ومايج
وكل ما يبتج ابطاري
تفتح لي على الدنيه
بيارق من فرح واري
ونرفع صوتنا .. ونقول
أنا لعداج ما داري
انا روحي فدى هالارض
ودمي بحرج الجاري
***

قطر ... لا كانت الدنيه
اذا ما كانت اعيونج
بترعاني -قطر- واهلي
وترفع شان امالي
فلا لي عنج انتي بد
ولا لج عني انه بد
لانج يا قطر داري
لانج يا قطر داري

 



بيانات التواصل

55515867 
info@alimirza.me

تابعنا

اشترك معنا
© 2026 .. All Rights Reserved.